सफलताका लागि पाँच रुपियाँ अभियान
सफलताका लागि पाँच रुपियाँ अभियान १ विराटनगरको साँघुरा गल्ली हुँदै एउटा वृद्ध पुरुष सुस्तरी हिंड्दै थिए । अग्लो कद, सेतै फुलेको कपाल, अनुहारभरि अनुभवका चाउरीहरू । उनी थिए— जगतप्रसाद , एक अवकाशप्राप्त कर्मठ शिक्षक । एकदिन उनी सडक छेउको चिया पसलमा उभिएर चिया पिइरहेका थिए । छेउमै केही वृद्धवृद्धा भोकले चिच्याइरहेका थिए । कसैले वास्ता गरेन । उनी भित्रैदेखि छटपटाए । जगतप्रसादः (आफैंसँग बर्बराउँदै) “यी वृद्धहरू आज सडकमा छन्, भोलि म पनि त यस्तै अवस्थामा हुन सक्छु ! के साँचै हाम्रो समाजमा बुढेसकालको कुनै सुरक्षा छैन ?” त्यही रात उनी निदाउन सकेनन् । विचारै विचारले भरिएर आयो । (अर्को दिन) विद्यालयमा भेटिएका उनका पुराना विद्यार्थीहरूले उनलाई सम्मान गर्न खोजे । शिवः (हर्षित हुँदै) “गुरुजी, तपाईं हाम्रो प्रेरणा हुनुहुन्छ ! हामीले तपाईंलाई कसरी धन्यवाद दिन सक्छौं ?” जगतप्रसाद केही सोचमग्न भए । त्यसपछि मुस्कुराउँदै भने—ः “यदि साँच्चै मलाई सम्मान गर्न चाहन्छौ भने, मेरो एउटा सानो अभियानमा सघाऊ ।” रमेशः “कस्तो अभियान, गुरुजी ?” जगतप्रसादः “पाँच रुपियाँको अभियान ।” सबै अचम्मित भए । अनिताः (चिन्तित हु...