जबान सिनेमाको १००० करोडको सक्सेसको दिनमा !!!
सिनेमाको मखमली पर्दामा जबान हेर्ने अवसर पाएँ आइसी १००० करोडको सक्सेसको दिनमा !!! सिनेमाले उठाउन खोजेको विषय अति नै गहन, महत्त्वपुर्ण तथा सशक्त छ । अति निम्न वर्गीय किसानको भित्रि मुटुसम्म विह्वल पार्ने दारुण दृश्य कटक्क पार्ने किसिमको मार्मिक छ । त्यस्तै मतदाताले अलिकति सामानको भाउ बढ्दा अति नै केरकार गर्ने तर नेताले भ्रष्टाचार गर्दा पनि उनीहरूलाई नै चुनिरहने, केही भन्न र सोध्न नसक्नेले गर्दा देश अधोगतितर्फ गएको क्रूर यथार्थका कुरालाई जनतामाझ झकझकाएर यदि हामीले भोट दिने बेला राम्ररी सोचेमा देशले कहालीलाग्दो असंगत समाप्त पार्न सक्ने मजबुन यस सिनेमामा पस्केको पाइन्छ । सिनेमाको कथा सशक्त छ । कथावस्तुको आधारमा भने एकचोटी सिनेमा हलमा गएर हेर्नैपर्ने सिनेमा बनेको छ । समग्रमा सिनेमा र: मेटेरियल अर्थात् कोरा जस्तो बन्न पुगेको देखिन्छ । यसलाई सशक्त पार्न सक्ने प्रशस्त ठाउँहरू छन् । यसलाई फिनिसिङ गरी अझ माझिने गरी मेहनत गरेका भए यस सिनेमाले आइसी २००० करोडसम्म कलेक्सन गर्नसक्ने देखिन्छ । यस मामिलामा भने निर्माण टिम चुकेको देखिन्छ । यो उहाँहरूलाई भविष्यका लागि पाठ हो । यस सिनेमाको हरेक पाइलाम...