( A gate-way to interact with Biju Subedi "BIJAY" )

नयाँ सरकारलाई शुभ-कामना !! ओखलढुङ्गा, गोरखालगायतका क्षेत्रहरुमा नेता, कार्यकर्ताहरमाथि जबर्जस्ती धरपकड गरी झूठा मुद्दा लगाउने काम यही ओलीको सरकारको कार्यकालमा भयो । यस्तो गर्नमा एमालेसँग सम्बद्ध कानुन व्यवसायीहरु खुलेर लागे । पुरै माओवादी सखाप पार्ने तथा माओवादीका शुभचिन्तकहरुलाई समेत जेल चलान गर्ने तानाबाना उनीहरुले बुन्न थाले । फेरि उनीहरुले माओवादीले सत्ता छाड्नै सक्दैन , छाड्यो भने छाडेकै दिन सकिन्छ भनी दम्भ प्रदर्शन गरी माओवादीसँगको १४ बुँदै, ९ बुँदे तथा ३ बुँदे भद्र सहम तीहरु उलंद्दघन गर्न थाले । त्यसैले एमालेसँगको सहमती तोड्न माओवादी बाध्य भए । यो एमालेको एकलौटी अहंकारको परिणाम हो । यसरी आफ्नो सत्ताबाट माओवादी बाहिरिएर सदनमा एमाले अल्पमतमा परिसकेपछि ओली सरकारले यसरी बहुमत गुमिसकेपछि पद नत्यागी संसदीय प्रणलीलाई उपहास गरी असहज बनाएकोले तथा हालै आएर यसको सामना गर्न संसद अबरुद्ध गर्ने अडान लिएका कारण एमाले अझै लोकतान्त्रिक पार्टी नभएको थप पुष्टी भएको छ । जनयुद्धको आलोघाउ अझै निको भइसकेको छैन । ओली तथा ओली गुटका एमालेले यसमा नुनचूक छर्ने काम गरेको छ । दशवर्षे जनयुद्धको...

लघु कथा :– घडी बन्द बिजु सुवेदी “विजय” जिउँदोमा काँध दिने कोही छैनन् बरिलै यो संसारमा । मरेपछि काँध दिन जो पनि तँछाडमछाड गर्छन् हरे ! धार्मिकताको यो कलङ्क स्वार्थी दुनियाँ ! हो दीपक छैन आज यो संसारमा । वर्षौं भयो उसको विश्वको नंबर एक स्वीस घडी बिग्रिएको । एउटा जस्तो घडी पनि बनाउन सक्छु भन्ने घमण्डी घडी मेकानिकले बनाउने भनेर लगेको थियो तर ऊ पनि हार खाएर त्यहीँ त्यो घडी बनाउन सकिएन माफ गर भनी गिडगिडाउँदै छ उसको लासको अगाडि । आज उसका प्रशंसकहरू धेरै छन् तर यस भीडको संसारमा सधैं अरुको अँध्यारो मेटाउन सदा तम्सने दीपक आज छैनन् । जसको समय नै आज मरिसक्यो उसको घडीको समय सदा मरेर के भयो र उसलाई, अब केही पनि कतैबाट पनि जीवनमा जस्तो तालमेल छैन यसमा । खै अर्को दुनियाँमा जन्मँदा दीपक के के हुने हुन्, के अर्को दुनियाँमा उसको एकाङ्कीपन दूर होला ? २०७३ साउन ३ बिजु सुवेदी “विजय” कुलेश्वर, काठमाण्डौं bijusubedi@gmail.com

उठ युवा बिजु सुवेदी “विजय” हे युवा तिम्रो काँधमा  धेरै धर्तीको भार छ तिमीले आज गरेनौ भने जिन्दगीे बिग्रिन्छ सक्षम तिमी सपार्न लाई हरेक मेसोको तर यो कुरा तिमीले हेक्का गरेनौ किन नि शोषित भए हरेक दुःखी तिमीले नडत्दा काँधमा तिम्रो भार छ ठूलो आजको घडीमा जनता लास बसेको भन्दा झरेर दास छ तिमीले आज के पायौ भन केही नि नगरी सहिद पनि अशान्त छन् भएर थिल्थिला जाति र भाषा, धर्मको रुढी बिभेद हटाऊ झुक्नु  नि हुन्न, रुक्नु नि हुन्न, दबेर नबस दुःखको भेल रोकेर तिमी सजाउ बिपना तिमीमा छ नि यथेष्ट बल गर्विलो पाइन यसरी जिए सर्बत्र प्रेम लहर फैलन्छ मान्छेको खून मान्छेले चुस्न नपरोस् अबले रगत  तिम्रो होइन पानी रगत रातो हो लय :– (३+२)=५, (३+२)=५, (३+३)= ६ जम्मा १६ मात्रा असारे २०७३ साउन १ बिजु सुवेदी “विजय” कुलेश्वर, काठमाण्डौं bijusubedi@gmail.com