“विद्यार्थीका लागि ए टु जेड खुराक” पढिसक्दा आफूलाई भन्न मनलागेका कुराहरु
“विद्यार्थीका लागि ए टु जेड खुराक” पढिसक्दा आफूलाई भन्न मनलागेका कुराहरु — बिजु सुवेदी“विजय” कोही व्यक्तिमा कत्तिको लेख्ने क्षमता छ भनेर मापन गर्न उसको पढाइले भन्दा ऊ कत्तिको असल छ त्यसमा निर्भर हुन्छ । किनभने असल व्यक्तित्वले समाजलाई पनि असल बाटोतिर डोर्याउने सोच निरन्तर गरेको हुन्छ र गरिरहेको हुन्छ । त्यसैले पढाइको सामान्य–ज्ञान अङ्क , तिथिमितिको सम्झनाले मात्र उक्त व्यक्तित्वको विद्वता राम्रो छ भनेर आँक्न सकिँदैन । त्यसका लागि त ज्ञानको जरुरत पर्दछ । उक्त ज्ञान हासिल गर्न सामान्य–ज्ञानको अङ्क तालिका तथा इतिहासका नामावलीहरु कण्ठस्त जानेर पनि हुँदैन । त्यसका लागि असल व्यक्तित्व हुनुपर्दछ । यस्तै असल व्यक्तित्वको छनक नेपालका राष्ट्रिय दैनिकहरुमा स्वतन्त्ररुपमा लेखन गरिरहनुभएका तथा हालै २०७१ सालदेखि सुरुवात भएको चन्द्रसूर्य डटकमका सह–सम्पादक रामजी बलामीमा पाइन्छ । उनका प्रायःजसो लेख–रचनाहरु मैले पनि अध्ययन गरेको छु । लेख–रचनाहरुमा निरन्तर कलम चलाइरहनुहुने भएकाले बि.सं. २०४५ सालमा जन्मनुभएको तथा व्यवस्थापनमा स्नातक गर्नुभएको भएता पनि उहाँका लेखनीहरु अध्ययन गर्दा...
