( A gate-way to interact with Biju Subedi "BIJAY" )

“तपाईंको सुरक्षा हाम्रो चासो” —विभिन्न जातजाति, धर्म धर्मावलम्बीहरूले मनाउने चाड–पर्वलगायत अन्य समयमा समेत हुनसक्ने चोरी डकैतीलगायतका अपराधबाट बच्ने उपायहरू --घर छोडी बाहिर जानुपर्दा वा राति सुत्नुभन्दा अगाडि ढोका वा झ्यालहरूमा चुकुल, गजवार वा पर्दा राम्ररी लगाएको छ छैन भन्ने बारे ध्यान दिनुहोस् । --सपरिवार घर छोडी बाहिर जानुपर्दा आफ्नो विश्वासिलो व्यक्ति वा छिमेकीलाई जानकारी दिई जानुहोस् । --ढोकामा आग्लो, गजवार वा बलियो छेस्किनी लगाउने व्यवस्था मिलाउनुहोस् । --घरको सुरक्षाको लागि सुरक्षाका उपकरणहरू जस्तैः सम्भव भएसम्म आपतकालीन साईरन, सिसीटिभीको वा स्थानीय स्तरमा उपलब्ध अन्य सुरक्षाका उपकरणहरुको व्यवस्था गर्नुहोस् । --ढोकामा बाहिर देखिने ताल्चा लगाउँदा चोरलाई घरमा मान्छे छैन भन्ने जानकारी हुने र त्यस्तो ताल्चा फुटाउनसमेत चोरलाई सहज हुने हुँदा घर, पसलको ढोकाको भित्रि भागमा लगाइने भित्रि ताल्चा क्ष्ललभच यिअपको प्रयोग गर्नुहोस् । --चोरी डकैती हुनको लागि चोर, डाँका, बहूमूल्य बस्तु र मौका एकैपटक मिलेमा मात्र सम्भव हुन्छ । त्यसैले हाम्रो सतर्कमा र व्यवस्थाले यी तीन तत्वलाई एकसाथ मेल...

लघु कथा :– दाह्री काटेर जाऊ । कथाकार :– बिजु सुवेदी “विजय” पल्लाघरे साहिँला बा बित्नुभाथ्यो । आज मधुरले मलामी जानु पर्नेभयो । मधुरको बुबा भने माथ्लाघरे काइँला पण्डित वितेकोमा मलामी जानुपर्ने भयो । “दाह्री काटेर जाऊ है मधुर ?” “हुन्छ बुबा” मधुरले आज्ञा शिरोपर गर्यो । तर एकैछिनमा उसको बुबा मलामी जानुभएपछि उसले सोचाइ परिवर्तन गर्यो “बुबाले दाह्री काटेर मलामी जानु भो भन्दैमा, दुःखको बेला त झन् दुःखीपन पो देखाउनु पर्छ । आ ! म त नकाटी जान्छु । माफ गर्नुस् है बुबा !” दाह्रीकै कारण मलामीमा उसले साराको खिसिटीउरी खटन सहनुपर्यो । उसले जे सोचेको थियो त्योभन्दा उल्टो भइदियो । २०७१ भाद्र ३० सोमबार बिजु सुवेदी “विजय” कुलेश्वर, काठमाडौं bijusubedi@gmail.com

लघुकथा :– सृष्टिकर्ता किंकर्तव्य–विमूढ कथाकार :– बिजु सुवेदी “विजय” सम्पूर्ण ग्रहहरुमा भूइँचालो लाग्न थाले,  सम्पूर्ण ग्रहहरुका धरति फाट्न थाले, आकाश फाट्न थाले, ताराहरू झरे अनि भयो दारुण प्रकृतिको लीला । त्यत्तिबेला गुरुत्वाकर्षण शक्तिको मेसो कतै थिएन । छताछुल्ल ग्रह, तारा, नक्षत्रहरू विष्फोटन हुन थाले । समुन्द्र आकाशमा बहन थाले । बादल हिउँको ढिक्का बन्न थाले । जीवजन्तुहरूले आँखा, मुखबाट आगो बर्साई नामोनिशान समाप्त भइसकेका थिए । ग्रहहरूको बडो भयङ्कर हाहाकार कोकोहोलोको छ्याङ्गल्याङ्ग ब्याङ्गल्याङ्गको आवाजले सृष्टिकर्ता बिउँझिए । गुरुत्वाकर्षणलाई गाली गर्नसम्मन् गरे तर गुरुत्वाकर्षणले वास्तै गरेनन् । कारण के थियो भने गुरुत्वाकर्षणले चाहीँ मरी–मरी २४सै घण्टा खट्नु पर्ने अनि खटन पनि खानु पर्ने अनि संसार दुःखमय हुँदा केही पनि गर्न नसक्ने । तर सृष्टिकर्ता भने मोजमस्ती मै सिमित भै सबै ठाउँमा असमानता बढाउँदै लाने । त्यसैले फेरि गुरुत्वाकर्षणले भने “हेर्नुस् सारा संसार दुःखमय भइसकेको छ त्यसैले यो छ्याङ्गल्याङ्ग ब्याङ्गल्याङ्गले तिम्रो सत्ता हल्लाउन मैले यो गरेको हुँ । कृपा गरेर संसारलाई ...

लेख :- यसरी संबिधान बनाऔं । लेखक :- बिजु सुवेदी “विजय” अहिले जताततै जसले पनि“संबिधान बन्दैन, संबिधान बन्दैन” भनिरहेको अवस्था छ । तर यही कालो बादलको निराशामा पनि मैले यहाँ आज चाँदीको घेराको आशाको टलक केलाउने प्रयास गरेको छु । संबिधान सभा १को हलो जहाँ अड्केको थियो, अहिलेको संबिधान सभा २मा पनि त्यही ठाउँमा अड्केको  अवस्था छ । दलहरू एमाले, कांग्रेस, माओवादी लगायत ८ दलहरूले दिल्लीमा गरेको १२ बुँदे सम्झौतापछि नेपालमा जुन १९ दिने शान्तिपूर्ण जनआन्दोलन भयो त्यही आन्दोलनलाई केन्द्रमा राखेर संबिधानको आधार परिधि निर्माण गर्नुपर्ने कुरामा ३ करोड नेपालीहरूको आशा एवं विश्वास छ भन्ने मान्नुपर्ने हुन्छ । किनकी यो आन्दोलन नेपालमा भएका आन्दोलनहरु मध्ये सबैभन्दा बढी दलहरू मिलेर सहमति जनाएको आन्दोलन हो र यसले नेपालका सबैभन्दा बढी नेपालीहरूलाई समेट्दछ । त्यसर्थ यो आन्दोलनको मूल्य एवं मान्यतालाई आत्मसाथ गरेर अघि बढ्नु पर्दछ । हुनत यो बाहेक यसपछि मधेश आन्दोलन तथा थरुहट आन्दोलनको पनि सम्बोधन हुनु अपरिहार्य छ । दुनियाँमा संबिधान ठूलो क्रान्तिको आन्दोलनले पनि बनेका छन् त्यसर्थ हाम्रो...

समीक्षा :–रात फुलेको याम पढ्दा लेखक :– विजु सुवेदी “विजय” मैले पछिल्लो पटक हालै साङ्ग्रिला बुक्सले बजारमा ल्याएको दीपशिखाजीको रात फुलेको याम उपन्यास पढी सकाएँ । यस उपन्यासको कथा पढिसकेपछि केही नलेखी बस्न सकिएन त्यसैले आफूलाई लागेका कुराहरु बेतोडसँग लेखिरहेको छु । यसमा दशवर्षे जनयुद्धको सजिव चित्रण छ । कथा अत्यन्तै मार्मिक छ । यसमा कथामा नायकले भोगेका अत्यन्तै कठोर सघर्षको चित्रण छ । यस्तो सघर्षको पराकाष्ठाले सायदै कुनै पनि विश्वका सर्वश्रेष्ठ भनाउँदो हलिउडको चलचित्रमा भएको यातनाको पराकाष्ठालाई समेत यस कथाका नायकले झेलेको सघर्षका अगाडि निक्कै फिक्का बनाएको छ । त्यसैले वास्तविकता भनेको वास्तविकता हो । चलचित्र भनेको मात्र अभिनय हो । यस कथाका नायकले त्यस्ता कैयौं जटिलभन्दा जटिल परिस्थितिलाई छिचोलेको छ । त्यसैले यसका नायकको आत्मवलको जो कोहीले पनि कदर गर्नैपर्छ । यस कथाको म पात्रका बुबालाई माओबादीले मारेको हुन्छ र जब जनसेनालाई खत्तम पार्ने योजनाले सुराकी गर्छ एकदिन जनसेनाले सदरमुकामबाटै गिरफ्तार गर्छन । बन्दी बनेको म पात्र जनसेनासँग पग्लिन्छ अनि गरिब दुःखीको सत्ता ल...

छर्छौ तिमी, बाली उठाउने अर्कै छ कमाउछौ तिमी, पैसा थुपार्ने अर्कै छ बनाउँछौ तिमी, हतियार भिर्ने अर्कै छ छर बिउ, तर अत्याचारीलाई बाली उठाउन नदेऊ कमाऊ पैसा तर अल्छिलाई लाउन नदेऊ बनाऊ हतियार, तर आफ्नै रक्षाका लागि लेऊ । निन्द्रा धेरै भयो, अब सिँहझैं भई जित्नै नसकिने सँख्यामा उठ शीतका थोापा झैं झटकारेर फाल तिमीहरु धेरै छौ, अत्याचारी थोरै छन् । ए बतास ! आज हिउँद छ भन्दैमा के वसन्त टाढा छ र ? (यी विश्वप्रसिद्ध कवि शेलीका उत्कृष्ट कविताका टुक्राहरु हुन् )

क्षुद्रग्रहबारे केही सुझाव(यो मेरो लेख नागरिक दैनिकमा आज प्रकाशित भएको हो ।) “‘३२,८०० माइलको गतिमा क्षुद्रग्रह पृथ्वीतिर हुत्तिँदै, हानिँदै आइरहेको छ । टेनिसी विश्वविद्यालयले उक्त क्षुद्रग्रहको नाम १९५० डि.ए. दिएका छन् ।  ८६६ वर्षपछि उक्त क्षुद्रग्रह सन् २८८०को मार्च १६मा अर्थात वि.सं. २९३६को फागुण १९ गते पृथ्वीमा ठोक्किनेछ । यसरी ठोक्किँदा ४४,८०० मेघाटन बिष्फोटक पदार्थ बिष्फोटन हुने शक्ति उत्पन्न हुनेछ । जसका कारण सम्पूर्ण मानव जीवन समाप्त हुनेछ ।’ यो बैज्ञानिकहरूको दाबी छ ।” यो समाचारले म अत्यन्त स्तब्ध एवं भावुक भएँ । पृथ्वीमा मानवले गरेका उपलब्धीहरू क्षणभरमै नष्ट हुनेछन् । हामी मानवहरुले गरेका नाम, इतिहास, यस, कीर्ति आदि सबै पृथ्बीबाट मेटिनेछन् । हामीले अब यस्तो कार्य गर्नु पर्नेछ कि मानवको अस्तित्व मेटिाँदा पनि मानवले उक्त महाबिष्फोटनपछि यस पृथ्बीका लागि, संसारका लागि, सम्पूर्ण व्रम्हाण्डका लागि केही गर्न सकियोस् । मानवको अस्तित्व बचाउन पहिलो त बैज्ञानिकहरू सबै मिलेर उक्त महाविष्फोट हुने समयमा उक्त क्षुद्रग्रहलाई अन्तरिक्षमा नै बिष्फोटक पदार्थद्वारा आक्रमण गरेर बाटो ...