मानिस बनौँ

गद्य कविता :– मानिस बनौँ
विजु सुवेदी “विजय”

भगवानको रोवोट मानिस
कुनै रोबोट खेलौना रोबोट
कुनै रोबोट मानिस रोबोट
खेलौना रोबोटमा संबेदनशीलता छैन
खेलौना रोबोटलाई अरुको दुःख मतलब छैन
मानिस रोबोटले दुःख हटाउन खोज्छ
भगवानको हात सघाउन खोज्छ
आखिर दुइटै सृष्टि भगवानकै हो
भगवानलाई गर्व छ मानिस रोबोटदेखि
भगवानले मानिस बनाउने कोसिस गर्नुभएको हुन्छ
खेलौना रोबोट पनि मानिस बनोस् भनेर,
धेरै कोसिस गर्नुभएको हुन्छ
तर लाखौँमा एक मात्र बनिदिन्छ
हजारौँमा एक त परै जाओस्
त्यस्तो खारिएर  रोबोट मानिस बन्दछ
मोहम्मद, बुद्ध, कृष्ण, महावीर, जिसस् मानिस बन्दछन्
त्यसरी नै हामी खेलौना नबनौँ
मानिस बनौँ
नसके
कोसिस भए पनि गरौँ
अनेकौँ बाधा अड्चन आउँछन् भने
सामना गरौँ
खेलौना नबनौँ
सूलीमा लट्किन पनि नडराऔँ
सत्यका लागि जुझौँ
न्यायका लागि जुझौँ
तर मानिस बनौँ
हो ! मानिस बनौँ

२०७१ मङ्सिर २५ विहिबार
कुलेश्वर, काठमाण्डौँ
bijusubedi@gmail.com

Comments

Popular posts from this blog

गजलमा प्रयोग हुने बहरहरुको बिस्तृत जानकारी

कथाः माटोको स्मृति आकाशको सपना

विज्ञान कथाः अनन्त यात्रा