गजल


मान्छे पनि रहेछन् ताल तालका
खान लाग्दा रहेछन् थाल थालका

बूढा, बच्चा, तन्नेरी जम्मा भएर
बस्न थाल्दा रहेछन् काल कालका

जुवा खेल्ने जमेर , च्याँखे थापेर
दाउ हेर्दा रहेछन् खाल खालका

अलि कति नमिले अड्डी लिएर
आँखा गर्दा रहेछन् लाल लालका

नेता जम्मै लेक्चरे , कुर्सी  पाउन
चेस खेल्दा रहेछन् चाल चालका

वर्ष सक्दा अन्तिम बिदा गरेर
पात्रो फेर्दा रहेछन् साल सालका

लय २+२+३+२+३ जम्मा १२

२०७१ चैत १३
विजु सुवेदी ‘विजय’
कुलेश्वर, काठमाडौं
bijusubedi@gmail.com

Comments

Popular posts from this blog

गजलमा प्रयोग हुने बहरहरुको बिस्तृत जानकारी

कथाः माटोको स्मृति आकाशको सपना

विज्ञान कथाः अनन्त यात्रा