( A gate-way to interact with Biju Subedi "BIJAY" )

सन्दर्भ :–वागमती सफाइ अभियान २०० हप्ता बिजु सुवेदी “विजय” आजबाट बागमती सफाइ अभियान २०० हप्ताका प्रवेश गरेको छ । प्रत्येक हप्ता काठमाण्डौं उपत्यकाबाट कम्तीमा पनि ५ मेट्रिक टन फोहोर विसर्जन भइरहेको छ तर फोहोरको समस्या ज्यूँ का तिऊँ भई पनि रहेको छ । यो सफाइ अभियान हात्तीको देखाउने दाँत भइरहेको छ ।  मिडियामा फोहोर सफा गरेको फोटो राखेर आफूलाई महान देखाउन घम्साघम्सी नै छ । यस्तो अझै ४०० हप्ता पुगे पनि कायापलट रुपमा शहर सफा हुनेवाला छैन । यो सफाइका लागि सबैमा चेतना हुनु जरुरी छ । फोहोर गरेकोलई सफा गर्ने अभियान होइन कि रोग लागेको लाई उपचार जस्तो होइन कि यस्तो कुनै पनि रोग हुनै नदिने अनि किन उपचारको जररत पर्यो ? सबै ३ करोड नेपालीलाई फोहोर कतै पनि नगर्ने कडाइका साथ दैनिक अभियान चलाउनु जरुरी छ । यसका लागि दैनिक उत्पन्न हुने फोहोरलाई सबैजनाले सधैं नै उचित व्यवस्थापन गर्नु पर्ने हुन्छ । अनि हेर्नुस् हाम्रो नेपाल एकैचोटि सिँगापुर हुनेछ । बेलैमा ध्यान दिएन भने सिँगानपुर हुनेछ । अरु के भनौं यो नेताको भाषणजस्तो भनेको पनि होइन । मुख्य चुरो कुरो भनेको फोहोरलाई उचित व्यवस्थापन भन्नाले ...

गीत कविता :– मर्यादित गरौं बिजु सुवेदी “विजय” मर्यादित पेशा सम्मान गरौं कहिल्यै नलोभ्यौं । जस्तोसुकै दुःख भएता पनि डटेर सपारौं ।। डाक्टरको पेशा यस्तै नै हो नि खराब नबनौें । किड्नी बेच्ने ठग माफिया बनी जनता नठगौं । क्लिनिकको ढोका धाउन वाध्य कदापि नपारौं । साहित्यको सेवा आदर गरी अथक लम्किऔं । छाडा यौन पस्की घृणित पारी विभ्रम नगरौं । घुसखोरीे गरी इनाम दिई ंअन्याय नगरौं । शिक्षणको पेशा सुचारु गरी विद्यार्थी सपारौं । ट्युशनको लोभ देखाई धज्जी पढाइ नरोकौंं । अनुत्तीर्ण लाई देखाई लोभ उत्तीर्ण नगरौं । कलाकार पेशा गर्विलो हो नि मनन गरौं लौ । कथाले नै माग्या भनेको भनी नबनौं नगिरौं । नगदको बल इनाम लिई बेतुक नगरौ । वकिलको कर्म न्यायको हो नि यसै मै जुटौं लौ । विपक्षमा लागी अन्याय गरी धनमा नभुलौं । सबैलाई न्याय गरेर डटौं प्रकाश फैलाऔं । लय :–४+२ विश्राम ३+२ विश्राम ३+३ जम्मा १७ २०७३ पुस २३ शनिवार बिजु सुवेदी “विजय” भक्तजन मार्ग, काठमाण्डौं bijusubedi@gmail.com

गीत :– भलो गर्छु बिजु सुवेदी “विजय” अडान राख्छु डटेर सधैं सबको भलो गर्दछु यसै कुनै नि पानी भएन सङ्लो पिउने कतै मन यो छैन जो पनि हरे अश्लील बोल्छन् बोल्ने त कुनै मन यो छैन बठ्याँइ कुरो बेपारी चाल ढाँट्ने त कबै मन यो छैन रक्षक हुँ म सजिव पुज्छु काट्ने त कुनै मन यो छैन लय :–३, जोड २ विश्राम ३, जोड २  विश्राम जम्मा १० २०७३ पुस १६ बिजु सुवेदी “विजय” भक्तजनमार्ग, काठमाण्डौँ bijusubedi@gmail.com

लघुकथा :– बन्द बिजु सुवेदी “विजय” बिहानको समय थियो । धर्मकर्म गर्ने एकहुल मानिस अगाडि नबढी टक्क रोकिए । गाडीवालाले सोधे “किन रोकिनु भएको ? “ हे राम ! बिरालोले बाटो काट्यो ।” गाडीे झ्याप्प ब्रेक लगायो । हे गाडी अगाडी बढा । (पछाडि गाडी चलाउने कुर्लियो) त्यहाँबाट कोही बढेनन् , न त उक्त गाडी नै अगाडि बढाए । सडक जाम भयो । टिँटीँ, प्वाँप्वाँ धेरैबेरसम्म भयो । यो तमासासँग अनभिज्ञ एकजना कड्कियो “फसादै भयो, आतङ्ककारीले बन्द गरिसकेछ ।” त्यसपछि त झन् सबैले गाडी पछाडिबाट फर्काए । सडक शुन्य भयो । विस्तारै चकमन्न सडक भएका कारण सटरहरु, पसलका ढोकाहरु बन्द भए । त्रासैत्रासबाट जोगिन हल्लैहल्लामा एकदिन बन्द भयो । २०७३ पुस ६ बिजु सुवेदी “विजय” भक्तजन मार्ग, काठमाण्डौं bijusubedi@gmail.com 69 You, Tika Kharel Subedi, ßinisha Rajbanshi and 166 others 11 share Comments Tilak Tamang   एक भएको थियो। Unlike  ·  Reply  ·  2  ·  December 21 at 8:30pm Tika Kharel Subedi ...