बैज्ञानिक दृष्टिले शाकाहार उपयुक्त
ॐ अज्ञानातिमी रानधस्य ज्ञानान्जना सलाकया । चक्षुरुमिलीतमेन तस्मैश्री गुरु महासरस्वत्यै नम : ।। अचेल माँशाहार प्रवृत्ति व्यापक भइरहेको छ । वलिदिने र माँशाहार प्रवृत्तिलाई राज्य , धर्म तथा सँस्कृतिले पनि संरक्षण गरेको देखिन्छ । तर आफ्नो तृप्तीका लागि अर्काको ज्यान लिनुलाई कदापी उपयुक्त मानिँदैन । पोषणले मात्र रोगलाई निको पार्न सकिन्छ भत्रे चिकित्सा विज्ञानका पिता हिप्पोक्रेट्सले सयौं वर्ष पहिले स्थापित गरेको दर्शन आधुनिक चिकित्सा विज्ञानमा पनि स्वीकार्यनै छ । चिकित्सा विज्ञानले पनि भनेको छ उपचारको अर्को पाटो पोषण हो र पोषण प्राप्तीको एकमात्र माध्यम माँशाहार होइन । शाकाहार भएर त्यसभन्दा बढी पोषण प्राप्त गर्न सकिन्छ । जस्को दुष्प्रभाव पनि हुँदैन । विश्वमा अचेल शाकाहार हुनुको फाइदालाई मानवीय स्वनस्थ्यसँग मात्र जोडिएर हेरिँदैन , मानव अस्तित्वसँग यो गाँसिएको स्पष्ट भएको छ । विश्वब्यापी तापक्रम बृद्धि , पशुअधिकार , प्रणाली जगतमा सहअस्तित्वको सवालले पनि प्राथमिकता पाउने गरेको छ । उपभोग प्रवृत्तिमा उत्पादन प्रणाली निर्भर रहन्छ वा उत्पादनले उपभोगमा प्रभाव पार्छ भत्रे वहसको विषय छ ...
